मेस्सी र नेयमाररहित पीएसजी पराजित

काठमाडौँ- फ्रान्सको लिग वानअन्तर्गत लियोनल मेस्सी र नेयमाररहित पेरिस सेन्ट जर्मेन (पीएसजी) ले पराजय भोगेको छ । दोस्रो स्थानको लेन्सले पीएसजीलाई ३-१ ले पराजित गर्‍यो ।

लेन्सलाई जित दिलाउन प्जेम्सलाभ फ्रान्कोवस्की, लोइस ओपेन्डा र अलेक्सिस क्लाउडी माउरिसले एक-एक गोल गरे । पीएसजीका ह्युगो इकिटिकेले एक गोल फर्काए ।

---

फ्रान्कोवस्कीले ५ औँ मिनेटमा गोल गर्दै लेन्सलाई अग्रता दिलाए पनि पीएसजीका ह्युगोले ८ औँ मिनेटमा बराबरी गोल फर्काए ।

तर ओपेन्डाले २८ औँ तथा माउरिसले ४७ औँ मिनेटमा गोल गरेपछि लेन्सले जित हात पार्‍यो ।

पीएसजीका फरवार्ड मेस्सी विश्वकपपछि अझै मैदान बाहिरै छन् भने नेयमारले गत बुधबार रातो कार्ड खाएका थिए । पीएसजीले मार्गपछि पहिलो पटक हार भोगेको हो ।

लिग अन्तर्गत पीएसजीले १७ खेलबाट ४४ अंक जोड्दा लेन्सको ४० अंक छ ।