रोनाल्डोको जर्सी किन्न साउदीमा फुटबल समर्थकको भिड

काठमाडौँ- पोर्चुगलका फुटबल स्टार क्रिस्टियानो रोनाल्डोले साउदी अरेबियाको अल नासर क्लब जाने सम्झौता गरेसँगै उनको जर्सी खरिद गर्न समर्थकको भिड लागेको छ ।

रोनाल्डोले अल नासरसँग साढे दुई वर्षको सम्झौता गरेपछि उनले लगाउने ७ नम्बरको अल नासर क्लबको जर्सी खरिदका लागि समर्थकको भिड लागेको द नेशनल न्यूजले जनाएको छ ।

---

अल नासरले कीर्तिमानी मूल्यमा रोनाल्डोलाई क्लबमा भित्र्याएको हो । रोनाल्डो आउने भएपछि अल नासरको सामाजिक सञ्जालमा ‘फलोअर्स’ पनि ह्वातै बढेको छ । त्यससँगै उनले लगाउने जर्सीको माग पनि ह्वात्तै बढेको हो ।

अल नासरले यसै हप्ता रोनाल्डोलाई समर्थकमा सार्वजनिक गर्ने भएको छ । अल नासरले रोनाल्डोलाई २०२५ को जुनसम्म वार्षिक २०० मिलियन डलर दिने गरी भित्र्याएको हो ।

रोनाल्डोले क्लब स्तरमा ७ सय तथा देशका लागि १ सय १८ गोल गरेका छन् ।