प्रिमियर लिगः ब्रेन्टफोर्डद्वारा लिभरपुल स्तब्ध

काठमाडौँ- इंग्लिस प्रिमियर लिग फुटबल अन्तर्गत ब्रेन्टफोर्डले लिभरपुललाई स्तब्ध पारेको छ । सोमबार राति भएको खेलमा ब्रेन्टफोर्डले लिभरपुललाई ३-१ ले स्तब्ध तुल्यायो ।

लिभरपुलका इब्राहिम कोनाटेले आत्मघाती गोल गर्दा योने विसा र ब्रायन एमबेउमोले ब्रेन्टफोर्डका लागि एक-एक गोल गरे । लिभरपुलका लागि अलेक्स ओक्सलेड-चाम्बरेनले एक गोल फर्काए ।

---

लिभरपुलका कोनाटेले १९ औँ मिनेटमा गरेको आत्मघाती गोलसँगै ब्रेन्टफोर्डले अग्रता बनाएको थियो । विसाले ४२ औँ मिनेटमा अग्रता दोब्बर बनाएपनि लिभरपुलका अलेक्सले ५० औँ मिनेट एक गोल फर्काए । तर ब्रायनले ८४ औँ मिनेटमा एक गोल थपेपछि ब्रेन्टफोर्डले लिभरपुललाई स्तब्ध बनायो ।

जितसँगै १८ खेलबाट २६ अंक जोडेको ब्रेन्टफोर्ड लिग तालिकाको सातौ स्थानमा उक्लिएको छ । यता १७ खेलबाट २८ अंक जोडेको लिभरपुल भने छैटौ स्थानमा यथावत छ ।