‘ए’ डिभिजन लिगका लागि मनाङको टिम घोषणा

काठमाडौँ- मनाङ मर्स्याङदी क्लबले सहिद स्मारक ‘ए’ डिभिजन फुटबल लिगका लागि टिमको घोषणा गरेको छ । क्लबले एक प्रेस विज्ञप्ती जारी टिम घोषणा गरिएको जनाएको हो ।

अखिल नेपाल फुटबल संघ (एन्फा) ले मार्च ३ तारिखदेखि लिग आयोजना गर्ने घोषणा गरिसकेको छ । एन्फाले जनवरी १६ मा खेलतालिका सार्वजनिक गर्ने भएको छ ।

---

सोही लिगका लागि मनाङले मुख्य प्रशिक्षकमा किरण श्रेष्ठ र गोलकिपर प्रशिक्षकमा प्रविन श्रेष्ठलाई अनुबन्ध गरेको छ ।

त्यसैगरी, खेलाडीमा दिप कार्की, जियारत शेख, आशिष गुरुङ, चेतनकुमार थारु, सरोज योञ्जन लामा, मानबहादुर तामाङ, रनदीप पौडेल, सुमित श्रेष्ठ, जय गुरुङ, कमल थापा, विजय श्रेष्ठ, बिसन गुरुङ, रमेश थापा, प्रशान्त श्रेष्ठ, निराजन मल्ल, रोशन राना मगर रहेका छन् ।