एफए कपः सेफिल्डद्वारा न्यूकासल स्तब्ध

काठमाडौँ- एफए कप फुटबलअन्तर्गत इंग्लिस प्रिमियर लिगको तेस्रो स्थानमा रहेको न्यूकासल लिग वान क्लब सेफिल्ड वेडनेस्डेसँग स्तब्ध भएको छ । शनिबार राति भएको तेस्रो चरणको खेलमा सेफिल्डले न्यूकासललाई २-१ गोलअन्तरले पराजित गरेको हो ।

सेफिल्डको जितमा दुबै गोल जोश विनडासले गरे । न्यूकासलका लागि ब्रुनो गुइमारेजले एक गोल फर्काए । जोशले ५२ औँ मिनेटमा गोल गर्दै सेफिल्डलाई अग्रता दिलाए भने ६५ औँ मिनेटमा सेफिल्डको अग्रता दोब्बर बनाए ।

---

ब्रुनोले ६९ औँ मिनेटमा गोल गरेपनि न्यूकासलले खेलमा फर्किने संकेत दिएको थियो तर त्यसपछि गोल गर्न नसकेपछि न्यूकासल पराजित भएको हो ।

न्यूकासलले गत अगस्ट ३१ मा लिभरपुलसँग पराजित भएपछि पहिलो हार भोगेको हो ।