भिल्लारियलसँग रियल मड्रिड पराजित

काठमाडौँ- स्पेनिस ला लिगाअन्तर्गत रियल मड्रिडले भिल्लारियलविरुद्ध पराजय भोगेको छ । शनिबार राति भएको खेलमा भिल्लारियलले रियल मड्रिडलाई २-१ ले पराजित गरेको हो ।

भिल्लारियललाई जित दिलाउन येरेमी पिनो र जेरार्ड मोरेनोले एक-एक गोल गरे । करिम बेन्जेमाले रियल मड्रिडका लागि एक गोल फर्काए ।

---

येरेमीले ४७ औँ मिनेटमा गोल गर्दै भिल्लारियललाई अग्रता दिलाए पनि बेन्जेमाले ६० औँ मिनेटमा पेनाल्टीमार्फत गोल गर्दै खेललाई बराबरीमा पुर्‍याए । तर जेरार्डले ६३औँ मिनेटमा पेनाल्टीमार्पत गोल गर्दै भिल्लारियललाई जित दिलाए ।

पराजयसँगै रियल मड्रिडले लिगको शीर्ष स्थानमा उक्लिने अवसर गुमाएको छ । लिग तालिकामा १५ खेल खेलको बार्सिलोना र १६ खेल खेलको रियल मड्रिडको समान ३८ अंक रहेपनि गोलअन्तरको आधारमा बार्सिलोना शीर्ष स्थानमा रहेको छ । १६ खेलबाट २७ अंक जोडेको भिल्लारियल भने पाँचौ स्थानमा छ ।