चेल्सीको पोस्टमा सिटीको चार गोल

काठमाडौँ- एफए कप फुटबलअन्तर्गत म्यानचेस्टर सिटीले चेल्सीविरुद्ध ४ गोल गरेको छ । एफए कपको तेस्रो चरण अन्तर्गत सिटीले चेल्सीलाई ४-० गोलअन्तरले पराजित गरेको हो ।

आइतरबार राति इतिहाद स्टेडियममा भएको खेलमा सिटीलाई जित दिलाउन रियाद महरेजले २ तथा जुलियन अल्भारेज र फिल फोडेनले एक-एक गोल गरे ।

---

महरेजले २३ औँ मिनेटमा गोल गर्दै सिटीलाई अग्रता दिलाए भने अल्भारेजले पेनाल्टीमार्फत ३० औँ मिनेटमा अग्रता दोब्बर बनाए । 

फोडेनले ३८ औँ मिनेटमा गोल गर्दा महरेजले ८५ औँ मिनेटमा पेनाल्टीमार्फत टोलीको चौथो तथा व्यक्तिगत दोस्रो गोल गरे ।

अर्कोतर्फ एस्टन भिल्लाले स्टेभेनेजविरुद्ध २-१ गोलको पराजय भोग्यो ।