ला लिगाः एटलेटिकोविरुद्ध बार्सिलोनाको जित

काठमाडौँ- स्पेनिस ला लिगाअन्तर्गत शीर्ष स्थानको बार्सिलोनाले रियल मड्रिडसँगको दूरी तीन अंक पुर्‍याएको छ । आइतबार राति एटलेटिको मड्रिडलाई १-० गोलअन्तरले पराजित गर्दै बार्सिलोनाले दोस्रो स्थानको रियल मड्रिडसँगको दूरी फराकिलो बनाएको हो ।

एटलेटिकोविरुद्ध बार्सिलोनालाई जित दिलाउन ओस्माने डेम्बेलेले निर्णायक गोल गरे । डेम्बेलेले २२ औँ मिनेटमा बार्सिलोनाका लागि निर्णायक गोल गरे ।

---

जितसँगै बार्सिलोनाले १६ खेलबाट ४१ अंक जोडेको छ । यता दोस्रो स्थानको रियल मड्रिडको ३८ अंक छ । एटलेटिको मड्रिड भने २७ अंकसहित पाँचौ स्थानमा छ ।