युभेन्टसमाथि नापोलीको सानदार जित

काठमाडौँ- इटालियन फुटबल लिग ‘सिरि ए’ अन्तर्गत शीर्षस्थानको नापोलीले युभेन्टसमाथि सानदार जित दर्ता गरेको छ । शुक्रबार राति भएको खेलमा नापोलीले तेस्रो स्थानको युभेन्टसलाई ५-१ ले स्तब्ध तुल्याएको हो ।

नापोलीको जितमा भिक्टर ओसिम्हेनले दुई तथा खभिचा भारात्खेलिया, अमिर रहमानी र एलिफ इल्मासले एक-एक गोल गरे । युभेन्टसका लागि एन्जेल डी मारियाले एक गोल फर्काए ।

---

जितसँगै १८ खेलबाट नापोलीले ४७ अंक जोडेको छ । १७ खेलबाट ३७ अंक जोडेको एसी मिलान र १८ खेलबाट ३७ अंक जोडेको युभेन्टससँगको दूरी नापोलीले १० अंकमा पुर्‍याएको छ ।

नापोली सन् १९९० पछि पहिलो पटक लिगको उपाधि जित्ने दाउमा रहेको छ ।