लिभरपुल एफए कपको चौथो चरणमा

काठमाडौँ- इंग्लिस प्रिमियर लिग क्लब लिभरपुल एफए कपको चौथो चरणमा प्रवेश गरेको छ । मंगलबार राति भएको तेस्रो चरणको खेलमा प्रिमियर लिग क्लब उल्भ्सलाई १-० ले पराजित गर्दै लिभरपुल चौथो चरणमा प्रवेश गरेको हो ।

लिभरपुललाई जित दिलाउन हार्भी एलिओटले एकमात्र निर्णायक गोल गरे । हार्भीले खेलको १३ औँ मिनेटमा गरेको गोल नै लिभरपुलको जितका लागि पर्याप्त रह्यो ।

---

जितपछि लिभरपुलका मुख्य प्रशिक्षक जर्गन क्लोपले सकारात्मक प्रदर्शन सहितको यस्तो जित वर्षौदेखि खोजिरहेको प्रतिक्रिया दिए । उनले लिभरपुलले जितका लागि संघर्ष गरेपनि खेल लामो समयसम्म आफ्नो नियन्त्रणमा रहेकोमा खुसी व्यक्त गरे ।