बार्सिलोना र रियल मड्रिड कोपा डेल रेको अन्तिम आठमा

काठमाडौँ- बार्सिलोना र रियल मड्रिड कोपा डेल रेको क्वार्टरफाइनलमा प्रवेश गरेका छन् । बिहीबार राति भएको खेलमा बार्सिलोनाले एडी सेउटा एफसीलाई ५-० गोलअन्तरले पराजित गर्‍यो ।

बार्सिलोनालाई जित दिलाउन रोबर्ट लेवान्डोस्कीले दुई तथा राफिन्हा, अन्सु फाती र फ्रान्क केसीइले एक-एक गोल गरे ।

---

त्यसैगरी, रियल मड्रिडले भिल्लारियललाई ३-२ गोलअन्तरले पराजित गर्दै अन्तिम ८ मा प्रवेश गर्‍यो । रियलको जितमा भिनिसियस जुनियर, इडर मिलिटाओ र डानी सेबालोसले एक-एक गोल गरे ।

भिल्लारियलका लागि इटिएना कापोउ र सामुएल चुकवेजेले एक-एक गोल फर्काए ।