बार्सिलोना र रियल मड्रिड विजयी

काठमाडौँ- स्पेनिस ला लिगाअन्तर्गत शीर्ष स्थानको बार्सिलोना तथा दोस्रो स्थानको रियल मड्रिडले जित हात पारेका छन् । आइतबार राति भएको खेलमा बार्सिलोनाले गेटाफेलाई १-० गोलअन्तरले पराजित गर्‍यो । बार्सिलोनालाई जित दिलाउन पेड्रीले निर्णायक गोल गरे ।

पेड्रीले ३५ औँ मिनेटमा गोल गर्दै बार्सिलोनालाई जित दिलाए । जितसँगै शीर्ष स्थानको बार्सिलोनाले १७ खेलबाट ४४ अंक जोडेको छ । गेटाफे भने १८ खेलबाट १७ अंक जोड्दै १६ औँ स्थानमा छ ।

---

त्यसैगरी, दोस्रो स्थानको रियल मड्रिडले एथलेटिक बिलबाओलाई २-० ले पराजित गर्‍यो । रियललाई जित दिलाउन करिम बेन्जेमा र टोनी क्रुसले एक-एक गोल गरे ।

रियलले १७ खेलबाट ४१ अंक जोड्दा बार्सिलोना भन्दा केवल ३ अंकले पछि परेको छ । बिलबाओ भने २६ अंकसहित ८औँ स्थानमा छ ।