केनले कीर्तिमान बनाउँदा टोटेनहम विजयी

काठमाडौँ- इंग्लिस प्रिमियर लिग फुटबलअन्तर्गत टोटेनहमले जित हात पारेको छ । सोमबार राति भएको खेलमा टोटेनहमले फुलहामलाई १-० गोलअन्तरले पराजित गर्‍यो ।

फुलहामविरुद्ध टोटेनहमलाई जित दिलाउन ह्यारी केनले पहिलो हाफको इन्जुरी समयमा निर्णायक गोल गरे । केनको यो टोटेनहमका लागि २ सय ६६औँ गोल हो ।

---

यससँगै २९ वर्षीय इंग्लिस स्ट्राइकर केनले जिम्मी ग्रेभ्सको कीर्तिमान बराबरी गरेका छन् । ग्रेभ्सले सन् १९६१ देखि १९७० सम्म खेल्दा टोटेनहमका लागि २ सय ६६ गोल गरेका थिए ।

प्रिमियर लिगमा भने ३ सय खेल खेलेको केनको यो १ सय ९९ औँ गोल समेत हो ।