कारबाओ कपः न्यूकासल विजयी

काठमाडौँ- कारबाओ कपको सेमिफाइनलको पहिलो लेगमा न्यूकासलले जित हात पारेको छ । पहिलो लेगमा न्यूकासलले साउथाम्पटनलाई १-० गोल अन्तरले पराजित गरेको हो ।

न्यूकासललाई जित दिलाउन जोएलिन्टनले गोल गरेका थिए । जोएलिन्टनले खेलको ७३ औँ मिनेटमा गोल गर्दै न्यूकासललाई जित दिलाए ।

---

दोस्रो लेगपनि आफ्नो पक्षमा पारे न्यूकासल सन् १९९९ पछि पहिलो पटक ठूलो प्रतियोगिताको फाइनलमा प्रवेश गर्नेछ । सन् १९९९ मा न्यूकासल एफए कपको फाइनलमा पुगेको थियो ।