इन्जोको डेब्यू खेलमा चेल्सी बराबरीमा सिमित

काठमाडौँ- इंग्लिस प्रिमियर लिग फुटबल अन्तर्गत इन्जो फर्नान्डेजको डेब्यू खेलमा चेल्सीले फुलहमसँग अंक बाड्न बाध्य भएको छ । शुक्रबार राति स्टामफोर्ड ब्रिजमा भएको खेलमा चेल्सीले फुलहमसँग गोलरहित बराबरी खेल्दै अंक बाडेको हो ।

अर्जेन्टिनी मिडफिल्डर इन्जोलाई चेल्सीले बेलायतकै इतिहासमा सर्वाधिक महंगो मूल्य १०७ मिलियन पाउन्डमा भित्र्याएको थियो । तर इन्जोको आगमनपछि पनि २०२३ मा चेल्सीले दोस्रो जित हात पार्न सकेन ।

---

इन्जोले गोल गर्ने अवसर खेर फालेपछि चेल्सी गोलरहित बराबरीमा रोकिएको थियो । बराबरीसँगै २१ खेलबाट ३० अंक जोडेको चेल्सी नवौं स्थानमा उक्लिएको छ । यता फुलहम भने २२ खेलबाट ३२ अंकसहित छैटौ स्थानमा उक्लिएको छ ।