एसी मिलानको जितविहीन यात्रामा पूर्णविराम

काठमाडौँ- इटालियन क्लब एसी मिलानको सात खेलको जितविहीन यात्रामा पूर्णविराम लागेको छ । इटालियन ‘सिरि ए’ अन्तर्गत टोरिनोलाई १-० ले पराजित गर्दै एसी मिलानले सात खेलको जितविहीन यात्रामा पूर्णविराम लगाएको हो ।

एसी मिलानलाई जित दिलाउन ओलिभियर जिरोडले ६२औँ मिनेटमा निर्णाय गोल गरे । जितसँगै २२ खेलबाट ४१ अंक जोडेको एसी मिलान तेस्रो स्थानमा उक्लिएको छ । शीर्ष स्थानको नापोलीको ५६ तथा दोस्रो स्थानको इन्टर मिलानको ४३ अंक रहेको छ ।

---

एसी मिलानले गत जनवरी ४ मा सालेरनिटानालाई २-१ ले पराजित गरेयता कुनै पनि खेल जित्न सकेको थिएन ।

त्यसमध्ये एसी मिलानले कोपा इटालियामा टोरिनोसँग १-०, इटालियन सुपर कपमा इन्टर मिलानसँग ३-० तथा सिरि ए अन्तर्गत लाजियोसँग ४-० र सासुओलोसँग ५-० को हार भोगेको थियो ।