रियल मड्रिडले जित्यो कीर्तिमान पाँचौ पटक क्लब विश्वकप

काठमाडौँ- स्पेनिस क्लब रियल मड्रिडले पाँचौ पटक कीर्तिमानी फिफा क्लब विश्वकपको उपाधि जितेको छ । शनिबार राति मोरक्कोमा भएको फाइनलमा साउदी अरेबियन क्लब अल-हिलाललाई ५-३ गोलअन्तरले पराजित गर्दै रियलले उपाधि जितेको हो ।

रियललाई उपाधि दिलाउन भिनिसियस जुनियरले १३औँ तथा ६९औँ मिनेटमा दुई गोल, फेडेरिको भाल्भेर्डेले १८औँ तथा ५८औँ मिनेटमा दुई गोल तथा करिम बेन्जेमाले ५४औँ मिनेटमा एक गोल गरे ।

---

अल-हिलालका लागि लुसियानो भिट्टोले ६३औँ तथा ७९ औँ मिनेटमा दुई गोल तथा मोउसा मारेगाले २६औँ मिनेटमा एक गोल गरे । ​रियलले यसअघि २०१४, २०१६, २०१७ र २०१८ को फिफा क्लब विश्वकपको उपाधि जितेको थियो ।