साउथाम्पटनका मुख्य प्रशिक्षक जोन्स बर्खास्त

काठमाडौँ- इंग्लिस प्रिमियर लिग क्लब साउथाम्पटनले मुख्य प्रशिक्षक नथन जोन्सलाई पदबाट हटाएको छ । नियुक्ति गरेको ३ महिनाभित्रै साउथाम्पटनले मुख्य प्रशिक्षक जोन्सलाई हटाएको बीबीसीले जनाएको छ ।

लिगको पुछारमा रहेको साउथाम्पटनले शनिबार राति उल्भ्ससँग पराजित भएपछि क्बलले मुख्य प्रशिक्षकलाई हटाएको हो । गत नोभेम्बर १० तारिखदेखि साउथाम्पटनले १४ मध्ये ९ खेलमा पराजय भोगेको छ । त्यसमध्ये ८ पराजय लिगमै रहेको छ ।

---

लिगको २० औँ स्थानमा रहेको साउथाम्पटनले २२ खेलमा जम्मा १५ अंक जोडेको छ ।