५८ औँ मिनेटमा छिरेका लुकाकुले इन्टर मिलानलाई दिलाए जित

काठमाडौँ- युइएफए च्याम्पियन्स लिग अन्तरगत प्रि–क्वाटरफाइनलको पहिलो लिगमा इटालियन क्लब इन्टर मिलानले जित हासिल गरेको छ ।  

घरेलु मैदानमा इन्टरले बेल्जियन फरवार्ड रोमेलु लुकाकुको निर्णायक गोलमा पोर्चुगिज क्लब एफसी पोर्टोलाई १–० ले पराजित गरेको हो ।

---

बुधबार राति भएको खेलमा घरेलु टोली इन्टरले ७८औँ मिनेटमा पोर्टो १० खेलाडीमा समेटिएपछि त्यसको फाइदा इन्टरले उठाउन सफल भयो । 

ओटाभियो दोहोरो पहेलो कार्ड खाँदै मैदानबाट बाहिरिएपछि पोर्टो समस्यामा पर्न पुगेको थियो । जसको फाइदा इन्टरले लिन सफल भयो । 

त्यसपछि निर्धारित समयको खेल सकिन ४ मिनेट बाँकी हुँदा मिलानले गोल हानेको थियो । उनी ५८ औँ मिनेटमा इडेन जेकोको स्थानमा मैदान छिरेका लुकाकुले गोल गर्दै इन्टरलाई जित दिलाए ।