थ्रीस्टार क्लबले पैसा नदिएको भन्दै फुटबलर डोनाको आक्रोश

काठमाडौँ- ‘ए’ डिभिजन लिग क्लब थ्रीस्टारका पूर्व मिडफिल्डर डोना थापाले क्लबले पैसा नदिएको भन्दै आक्रोश पोखेका छन् । सामाजिक सञ्जाल फेसबुकमार्फत डोनाले थ्रीस्टारविरुद्ध आक्रोश पोखेका हुन् ।

उनले मेहनत गरेको रकम क्लबले नदिएको तथा आगामी दिनमा क्लब पदाधिकारीहरुको नाम नै सार्वजनिक गर्ने धम्की समेत दिए । उनले दिनरात मेहनत गरे पनि पैसा माग्ने बेला छैन भनेर पन्छिने गरेको उल्लेख गरेका छन् ।

---

उनले अलि अलि कमाइले घर व्यवहार चलाउनु परेको, आमाबुवा, श्रीमती तथा बच्चा पाल्नुपरेको उल्लेख गर्दै क्लबसँग पैसा दिनुपर्ने माग गरे ।

उनी यस सिजनका लागि फ्रेन्ड्स फुटबल क्लबमा आबद्ध भएका छन् ।