ए डिभिजन लिगः एपीएफको विजयी सुरुवात

काठमाडौँ- सहिद स्मारक ‘ए’ डिभिजन फुटबल लिगमा नेपाल एपीएफ क्लबले विजयी सुरुवात गरेको छ । त्रिपुरेश्वरस्थित दशरथ रंगशालामा थ्रीस्टार क्लबलाई २-० गोलअन्तरले पराजित गर्दै एपीएफले विजयी सुरुवात गरेको हो ।

एपीएफको जितमा मणिकुमार लामा र अरमान्दले एक-एक गोल गरे । उनले ७२ औँ मिनेटमा गोल गर्दै एपीएफलाई अग्रता दिलाए । अरमान्दले ८६ औँ मिनेटमा गरेको गोलसँगै एपीएफले जित हात पार्‍यो ।

---