ए डिभिजन लिगः आज पनि तीन खेल हुँदै

काठमाडौँ- सहिद स्मारक ‘ए’ डिभिजन फुटबल लिगअन्तर्गत आज पनि तीन खेल हुँदैछन् । २ खेल त्रिपुरेश्वरस्थित दशरथ रंगशाला तथा एक खेल च्यासल मैदानमा हुने तालिका रहेको छ ।

च्यासल मैदानमा हुने खेलमा न्यूरोड टिम र सातदोबाटो युथ क्लब भिड्नेछन् । उक्त खेल दिउँसो २.३० बजेबाट सुरु हुनेछ । सोही समयमा दशरथ रंगशालामा त्रिभुवन आर्मी फुटबल क्लबले संकटा क्लबको सामना गर्नेछ ।

---

त्यसैगरी, डिफेन्डिङ च्याम्पियन मछिन्द्र क्लबले जावलाखेल युथ क्लबको सामना गर्ने तालिका रहेको छ । मछिन्द्र र जावलाखेलबीचको खेल दशरथ रंगशालामा ५.३० बजेबाट सुरु हुनेछ ।