आर्सनलको उत्कृष्ट पूनरागमन, सिटी पनि विजयी

काठमाडौँ- इंग्लिस प्रिमियर लिग फुटबलअन्तर्गत शीर्ष स्थानको आर्सनलले उत्कृष्ट पूनरागमन जित हात पार्दा म्यानचेस्टर सिटी पनि विजयी भएको छ ।

शनिबार राति भएको खेलमा २ गोलले पछि परेको आर्सनलले बर्नमाउथलाई ३-२ ले पराजित गर्‍यो । आर्सनललाई जित दिलाउन थोमस पार्टी, बेन ह्वाइट र रेस नेल्सनले एक-एक गोल गरे । बर्नमाउथका लागि फिलिप बिलिङ र मार्कोस सेनेसीले एक-एक गोल गरे ।

---

फिलिपले १ मिनेट तथा मार्कोसले ५७ औँ मिनेटमा गोल गर्दै बर्नमाउथलाई २-० गोलको अग्रता लिएको थियो । तर थोमसले ६२ औँ मिनेट, बेनले ७० औँ तथा रेसले दोस्रो हाफको इन्जुरी समयमा गोल गर्दै आर्सनललाई जित दिलाए ।

यता दोस्रो स्थानको सिटीले भने न्यूकासललाई २-० ले पराजित गर्‍यो । सिटीलाई जित दिलाउन फिल फोडेन र बर्नार्डो सिल्भाले एक-एक गोल गरे ।

जितसँगै शीर्ष स्थानको आर्सनलले २६ खेलबाट ६३ अंक जोडेको छ । सिटीको भने ५८ अंक छ ।