एमबाप्पेको कीर्तिमानी गोलमा पीएसजी विजयी

काठमाडौँ- कायलियन एमबाप्पेको कीर्तिमानी गोलमा पेरिस सेन्ट जर्मेन (पीएसजी) ले फ्रेन्च लिग वानअन्तर्गत नान्टेसमाथि ४-२ गोलअन्तरको जित हात पारेको छ ।

शनिबार राति भएको खेलमा पीएसजीलाई जित दिलाउन लियोनल मेस्सी, डानिलो पेरेइरा र एमबाप्पेले एक-एक गोल गर्दा नान्टेसका जोएन हाजामले आत्मघाती गोल गरे । नान्टेसका लागि लुडोभिक ब्लास र इग्नाटियस गानागोले एक-एक गोल गरे ।

---

पीएसजीका लागि एमबाप्पेको २ सय १ औँ गोल हो । यससँगै उनी पीएसजीका लागि सर्वाधिक गोल गर्ने खेलाडी बनेका छन् । यसअघि इडिनसन काभानीले २ सय गोल गरेका थिए ।

जितसँगै शीर्ष स्थानको पीएसजीले २६ खेलबाट ६३ अंक जोडेको छ । दोस्रो स्थानको मार्सेलको ५२ अंक छ ।