सालाह बने लिभरपुलका लागि लिगमा सर्वाधिक गोल गर्ने खेलाडी

काठमाडौँ- मोहमद सालाह लिभरपुलका लागि इंग्लिस प्रिमियर लिग फुटबलमा सर्वाधिक गोल गर्ने खेलाडी बनेका छन् । इंग्लिस प्रिमियर लिगअन्तर्गत आइतबार राति लिभरपुलले म्यानचेस्टर युनाइटेडलाई ७-० स्तब्ध तुल्याउँदा सालाहले २ गोल गरेका थिए ।

यससँगै सालाहले लिभरपुलका लागि १ सय २९ औँ गोल पूरा गरेका छन् । ३० वर्षीय सालाहले यसअघि रोबी फाओलरको १ सय २८ गोलको कीर्तिमानलाई पछि पारेका हुन् ।

---

लिभरपुलका लागि लिगमा स्टेभेन जेरार्डले १ सय २० तथा माइकल ओवेनले १ सय १८ गोल गरेका छन् । 

यस सिजनले सालाहले ११ गोल गरिसकेका छन् ।