नेपाल यू-२० महिला एसियन कप छनोटको दोस्रो चरणमा

काठमाडौँ - नेपाल एएफसी यू-२० महिला एसियन कप छनोटको दोस्रो चरणमा प्रवेश गरेको छ । प्यालेस्टाइनमा भएको पहिलो चरणको छनोट अन्तर्गत समूह 'बी' को विजेता बन्दै नेपालले दोस्रो चरणमा प्रवेश गरेको हो।

आइतबार भएको अन्तिम खेलमा नेपालले नर्दन मारियाना आइल्याण्डलाई ६-० ले पराजित गरेको छ । नेपालको जितमा दिपा शाही र सारा बज्राचार्यले दुई(दुई गोल गरे । सरस्वती हमाल र जेनिफर रानाले एक एक गोल गरे । यस जितसँगै समूह 'बी' मा नेपालले २ खेलमा ६ अंक जोड्यो ।

---

नेपालले पहिलो खेलमा आयोजक प्यालेस्टाइनलाई ६-० गोल अन्तरले पराजित थियो । दोस्रो चरणको छनोट जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू-२० महिला एसियन कप खेल्नेछ ।