सिटीसँग पराजित भएपछि लिभरपुलका खेलाडी चढेको बसमाथि आक्रमण

काठमाडौँ- इंग्लिस प्रिमियर लिग फुटबलअन्तर्गत म्यानचेस्टर सिटीसँग पराजित भएपछि लिभरपुलका खेलाडी चढेको बसमाथि आक्रमण भएको छ । सिटीको घरेलु मैदान इतिहाद स्टेडियममा शनिबार सम्पन्न खेलका क्रममा सिटीले लिभरपुललाई ४-१ गोलअन्तरले पराजित गरेको थियो ।

खेलपछि फर्कने क्रममा लिभरपुलका खेलाडी तथा पदाधिकारीहरू चढेको बसमा इट्टाले प्रहार भएको बेलायती संचारमाध्यम मिररले जनाएको छ । ग्रेटर म्यानचेस्टर पुलिसले घटनाबारे छानबिन सुरु गरेको छ ।

---

यता सिटीले भने बसमाथि भएको आक्रमणको निन्दा गर्दै त्यस्ता कार्य अस्वीकार्य हुने जनाएको छ । सिटीले छानबिनमा प्रहरीलाई सहयोग गर्ने समेत जनाएको छ ।

आक्रमणमा कोही पनि घाइते भने नभएको बीबीसीले जनाएको छ ।