म्यानचेस्टर युनाइटेडलाई पराजित गर्दै न्यूकासल तेस्रो स्थानमा

काठमाडौँ- न्यूकासल युनाइटेड इंग्लिस प्रिमियर लिग फुटबलको तेस्रो स्थानमा उक्लिएको छ । आइतबार राति भएको खेलमा म्यानचेस्टर युनाइटेडलाई २-० गोलअन्तरले पराजित गर्दै न्यूकासल तेस्रो स्थानमा उक्लिएको हो ।

न्यूकासललाई जित दिलाउन जोए विलोक र कालम विल्सनले एक-एक गोल गरे । जोएले ६५ औँ मिनेटमा गोल गर्दै न्यूकासललाई अग्रता दिलाए भने कालमले ८८ औँ मिनेटमा गोल गर्दै न्यूकासललाई म्यानचेस्टरमाथि जित दिलाए ।

---

जितसँगै २७ खेलबाट ५० अंक जोडेको न्यूकासल लिगको तेस्रो स्थानमा उक्लिएको छ । यता २७ खेलबाट समान ५० अंक भएपनि म्यानचेस्टर गोलअन्तरका आधारमा चौथो स्थानमा झरेको छ ।