शहीद स्मारक ए डिभिजन : पुलिस र एपीएफ, संकटा र एफसी भिड्‌दै

काठमाडौँ- शहीद स्मारक ए डिभिजन लिग फुटबलको छैटौं चरणका खेलहरू आजबाट शुरु हुँदैछन् । सोमबार दुई खेलहरू हुनेछन् । जसमा एक खेल च्यासल मैदान र एक खेल एन्फा कम्प्लेक्समा हुने भएको छ ।

च्यासल मैदानमा दुई विभागीय टोली एपीएफ क्लब र नेपाल पुलिस क्लबबीच प्रतिष्पर्धा हुनेछ । खेल दिउँसो २ बजे हुनेछ ।

---

एपीएफ आज तेस्रो जितको खोजीमा हुनेछ । एपीएफ ७ अंक जोडेर छैटौं स्थानमा रहेको छ ।

पुलिस लिगमा पहिलो जितको खोजिमा हुनेछ । पाँचौं चरणसम्म जित बिहीन पुलिस पहिलो ३ अंकको योजनामा रहेको छ । पुलिस १ अंक जोडेर पुछारमा रहेको छ ।

यस्तै एन्फा कम्प्लेक्समा संकटा क्लब र एफसी खुमलटारबीच प्रतिष्पर्धा हुनेछ। संकटा र खुमलटारबीचको खेल दिउँसो २ बजे शुरु हुनेछ ।