मेस्सी बार्सिलोना जाने चर्चाबीच पीएसजी पराजित

काठमाडौँ- अर्जेन्टिनी फरवार्ड लियोनल मेस्सीलाई स्पेनिस क्लब बार्सिलोना फर्काउने चर्चा चलिरहेको समयमा उनी आवद्ध पेरिस सेन्ट जर्मेन (पीएसजी) ले फ्रेन्च लिग वानअन्तर्गत पराजय भोगेको छ । आइतबार राति भएको खेलमा लायोनले पीएसजीलाई १-० ले पराजित गरेको हो ।

लायोनको जितमा ब्राडली बार्कोलाले निर्णायक गोल गरे ।

---

पीएसजीले घरेलु मैदानमा यस सिजन सात खेलमा पराजय भोगिसकेको छ । विश्वकपपछि पीएसजीले १८ मध्ये ७ खेलमा पराजय भोगिसकेको छ । विश्वकपअघि भने पीएसजी २२ खेलमा अपराजित रहेको थियो ।

पराजयसँगै पीएसजीले २९ खेलबाट ६६ अंक जोड्दा दोस्रो स्थानको लेन्सको ६० अंक छ ।