फुटबल लिग : पुलिसले पाँचौं हार भोग्दा संकटाको दोस्रो जित

काठमाडौँ- सहिद स्मारक ‘ए’ डिभिजन फुटबल लिगअन्तर्गत नेपाल पुलिस क्लबले पाँचौं हार भोगेको छ । च्यासल मैदानमा सोमबार भएको खेलमा नेपाल एपीएफ क्लबले पुलिसलाई २-० गोलले पराजित गर्‍यो ।

यससँगै ६ खेल खेलेको पुलिसले एक बराबरी खेल्दा पाँच खेलमा पराजय भोगेको छ । यता एपीएफको ६ खेलमा तेस्रो जित हो । एपीएफले २ खेलमा पराजय भोग्दा एक खेलमा अंक बाँडेको छ ।

---

एपीएफलाई पुलिसविरुद्ध जित दिलाउन अडामा डौम्बियाले ५७ औँ मिनेट तथा सविन गुरुङले दोस्रो हाफको इन्जुरी समयमा एक-एक गोल गरे ।

यसैबीच एन्फा कम्प्लेक्समा भएको खेलमा संकटा क्लबले एफसी खुमलटारलाई १-० ले पराजित गर्‍यो । संकटालाई जित दिलाउन जुनियर अन्गुएनेले २७ औँ मिनेटमा गोल गरे ।

लिगमा संकटाको यो दोस्रो जित हो भने खुमलटारको चौंथो पराजय हो ।