बाल गोपाल चर्च ब्वाइजको मुख्य प्रशिक्षकमा नियुक्त

काठमाडौँ- ए डिभिजन लिग क्लब चर्च ब्वाइज युनाइटेडले बालगोपाल महर्जनलाई मुख्य प्रशिक्षक नियुक्त गरेको छ । चर्च ब्वाइजले बुधबार महर्जनलाई मुख्य प्रशिक्षकमा नियुक्त गरेको हो ।

यस सिजनको सहिद स्मारक ‘ए’ डिभिजन फुटबल लिगमा चर्च ब्वाइज तेस्रो स्थानमा रहेको छ । चर्च ब्वाइजले ७ मध्ये ४ खेलमा जित हात पार्दा २ खेलमा बराबरी नतिजा निकालेको छ । उसले एक खेलमा पराजय भोगेको छ ।

---