युनाइटेडका सेन्टर-ब्याक मार्टिनेजले सिजनका सबै खेल गुमाउने

काठमाडौँ- इंग्लिस फुटबल क्लब म्यानचेस्टर युनाइटेडका सेन्टर-ब्याक लिजान्द्रो मार्टिनेजले यस सिजनका सबै खेल गुमाउने भएका छन् । खुट्टा भाचिएपछि मार्टिनेजले यस सिजनका खेलहरु गुमाउने भएको बीबीसीले जनाएको छ ।

२५ वर्षीय अर्जेन्टिनी डिफेन्डर मार्टिनेजले यूरोपा लिगअन्तर्गत सेभिल्लाविरुद्धको खेलका क्रममा चोट बोकेका थिए । युनाइडेटले सेभिल्लासँग २-२ को बराबरी खेल्दा अर्जेन्टिनालाई विश्वकप जिताउन योगदान गरेका मार्टिनेज ८६ औँ मिनेटमा मैदान बाहिरिएका थिए ।

---

यता अर्का सेन्टर-ब्याक राफायल भाराने पनि केही हप्ता मैदान बाहिर हुने भएका छन् ।