इन्डियन महिला लिग खेल्न फुटबलर रेखा भारततर्फ

काठमाडौँ- भारतीय महिला लिग खेल्न नेपाली राष्ट्रिय फुटबल टिमकी फरवार्ड रेखा पौडेल आज भारत प्रस्थान गरेकी छन् । रेखाले ओडिसा एफसीका लागि भारतीय महिला लिग खेल्ने भएकी हुन् ।

रेखाले सामाजिक सञ्जाल फेसबुकमा तस्विर राख्दै लिग खेल्नका लागि भारततर्फ प्रस्थान गर्न लागेको जानकारी गराएकी थिइन् ।

---

रेखासँगै राष्ट्रिय टिमकी गोलरक्षक तथा कप्तान एन्जिला तुम्बापो सुब्बा, फरवार्ड सावित्रा भण्डारी, मिडिफल्डर रेनुका नगरकोटे र सरु लिम्बु भारतीय महिला लिग खेल्नका लागि भारत प्रस्थान गरेका थिए ।

एन्जिलाले सेथु एफसी, सावित्राले गोकुलम केरेला तथा रेनुका र सरुले किक स्टार्टका लागि खेल्नेछन् ।