कास्टेलानोस चम्किँदा रियल म्याड्रिड पराजित

काठमाडौँ- स्पेनिस ला लिगाको दोस्रो स्थानमा रहेको रियल म्याड्रिड पराजित हुन पुगेको छ ।

भ्यालेन्टिन कास्टेलानोस एक्लैले म्याड्रिडको गोलपोष्टमा चार गोल हान्दै जिरोनाले रियललाई ४–२ ले पराजित गरेको हो । 

---

मंगलबार राति घरेलु मैदानमा भएको खेलमा जिरोानका कास्टेलानोसले खेलको १२ औँ मिनेटमा पहिलो गोल गरेका थिए । म्याड्रिडको पोष्टमा गोलको बर्षा गरेका कास्टेलानोसले २४औं मिनेटमा थप अर्को गोल गरेर पहिलो हाफको सुरुवातीमा नै जिरोनालाई २–० को अग्रता दिलाउन सफल भए । 

यसैगरी खेलको ३४औँ मिनेटमा रियलका भिनिसियस जुनियरले गोल गर्दै खेललाई २–१ को स्थितिमा ल्याए । पहिलो हाफमा खेल २–१ को अवस्थामा रहन पुग्यो ।

तर दोस्रो हाफको सुरुमा नै कास्टेलानोसले पुन तेस्रो गोल गर्दै आफ्नो ह्याट्रिक पूरा गरेर जिरोनालाई ३–१ को अग्रता दिलाए । साथै ६२औँ मिनेटमा उनले चौथो गोलको मद्धतले जिरोना ४–१ को अग्रता लिन सफल भयो ।

८५औँ मिनेटमा लुकास भजक्वेजले रियलका लागि गोल दोस्रो गोल गरे ।

खेल अन्तत ४–२ मा टुंगिन पुग्यो ।