अर्जेन्टिनी प्रशिक्षक स्कालोनी भन्छन्, ‘मेस्सीलाई केवल खुसी देख्न चाहन्छु’

काठमाडौँ- अर्जेन्टिना राष्ट्रिय फुटबल टिमका मुख्य प्रशिक्षक लियोनल स्कालोनीले आफ्ना स्टार फरवार्ड लियोनल मेस्सीले आगामी सिजन कहाँबाट खेल्ने भन्दा पनि उनलाई खुसी देख्न चाहेको बताएका छन् ।

मेस्सीले फ्रेन्च क्लब पेरिस सेन्ट जर्मेन (पीएसजी) छाडेर साउदी अरेवियन क्लब जाने समाचारहरु बाहिरिएपछि अर्जेन्टिनाको सञ्चारमाध्यमलाई अर्जेन्टिनाका मुख्य प्रशिक्षक स्कालोनीले मेस्सीलाई आफुले खुसी देख्न चाहेको बताएका हुन् ।

---

मेस्सीको पीएसजीसँगको सम्झौता जुन ३० मा टुंगिदैछ र त्यसपछि उनी साउदीको अल-हिलाल क्लबबाट खेल्ने समाचारहरु बाहिरिएका छन । मेस्सी आफ्नो परिवारसँग गत हप्ता साउदी अरेवियाको भ्रमण गरेका थिए । क्लबलाई जानकारी नै नगराइ साउदी गएपछि पीएसजीले ३५ वर्षीय मेस्सीलाई कारवाही गरेको थियो ।

मेस्सी जहाँ खेलाडी तथा समर्थकसँग सहज ठान्छन् त्यहाँ जानदिउँ । यसले राष्ट्रिय टिमलाई केही असर गर्दैन । हामी मेस्सीलाई खुसी देख्न चाहन्छौ,’ स्कालोनीले थपे ।

यता मेस्सीका बुवा तथा एजेन्ट जोर्ग मेस्सीले लियोनल मेस्सीले अहिले कुनै क्लबसँग सम्झौता नगरेको तथा युरोपको सिजन सकिएपछि आफ्ना छोराले भविष्यको बारेमा निर्णय लिने बताएका छन् ।