निलम्बनपछि मेस्सीले पहिलो पटक पीएसजीका लागि खेल्दै

काठमाडौँ- फ्रेन्च क्लबबाट निलम्बन भोगेको अर्जेन्टिनी फुटबल स्टार लियोनल मेस्सीले पहिलो पटक पेरिस सेन्ट जर्मेन (पीएसजी) का लागि पहिलो पटक मैदानमा उत्रने भएका छन् ।

बीबीसीले जनाए अनुसार मेस्सीले फ्रेन्च लिग वानअन्तर्गत शनिबार पीएसजीका लागि एसी अजासियोविरुद्ध खेल्ने भएका हुन् ।

---

क्लबलाई जानकारी नदिएरै साउदी अरेबिया गएपछि मेस्सीमाथि पीएसजीले दुई हप्ताको निलम्बन गरेको थियो । तर मेस्सीले माफी मागेपछि क्लबले उनको निलम्बन फुकुवा गरेको थियो ।

मेस्सी निलम्बनमा हुँदा लिग वानको शीर्ष स्थानमा रहेको पीएसजीले अप्रिल ३० मा लोरियन्टविरुद्धको खेलमा पराजय भोगेको थियो ।

पीएसजीका मुख्य प्रशिक्षक क्रिस्टोफ गाल्टियरले मेस्सी शनिबार टिममा हुने जानकारी गराएका हुन् । मेस्सीले सोमबारबाट अभ्यास सुरु गरेका थिए ।