साफ च्याम्पियनसीपः साविक विजेता भारत र कुवेतकै समूहमा नेपाल

काठमाडौँ- भारतमा आयोजना हुने साफ च्याम्पियनसीप फुटबलमा नेपाल समूह ‘ए’ मा परेको छ । साउथ एसियन फुटबल फेडेरेसन (साफ) ले आज सार्वजनिक गरेको ‘ड्र’ अनुसार  साविक उपविजेता नेपाल समूह ‘ए’ मा परेको हो ।

समूह ‘ए’ मा भारत, कुवेत, नेपाल र पाकिस्तान रहेका छन् । समूह ‘बी’ मा भने लेवनान, माल्दिभ्स , भुटान र बंगलादेश रहेका छन् ।   

---

भारतले जुन २१ देखि जुलाई ४ सम्म बेँग्लुरुमा साफ च्याम्पियनसीप आयोजना गर्दैछ । च्याम्पियनसीपमा ८ टिमको सहभागिता रहने छ । साविक विजेता भारतसँगै नेपाल, भुटान, बंगलादेश, माल्दिभ्स, पाकिस्तान, लेवनन र कुवेतले च्याम्पियनसीप खेल्दैछन् ।

साफले साफ बाहिरका कुवेत र लेवनानलाई च्याम्पियनसीपका लागि बोलाएको हो ।