न्यूकासल च्याम्पियन्स लिग छनोट नजिक

काठमाडौँ- न्यूकासल युनाइटेड च्याम्पियन्स लिगका लागि छनोट हुने संघारमा पुगेको छ । इंग्लिस प्रिमियर लिग फुटबलअन्तर्गत बिहीबार राति ब्राइटनलाई ४-१ ले पराजित गर्दै न्यूकासलले च्याम्पियन्स लिगका लागि छनोट हुने सम्भावना बलियो बनाएको हो ।

ब्राइटनमाथिको जितसँगै तालिकाको तेस्रो स्थानमा रहेको न्यूकासलले ३६ खेलबाट ६९ अंक जोडेको छ । चौँथो स्थानको म्यानचेस्टर युनाइटेडको ३५ खेलमा ६६ अंक तथा पाँचौ स्थानको लिभरपुलको ३६ खेलमा ६५ अंक छ ।

---

यता शीर्ष स्थानको म्यानचेस्टर सिटीले ३५ खेलबाट ८५ अंक जोड्दा आर्सनलले ३६ खेलबाट ८१ अंक बटुलेको छ ।

बिहीबार राति न्यूकासललाई जित दिलाउन डान बर्न, कालुम विलसन तथा ब्रुनो गुइमारासले एक-एक गोल गर्दा ब्राइटनका डेनिज उनडाभले एक आत्मघाती गोल गरे । डेनिज उनडाभले नै ब्राइटनका लागि एक गोल फर्काए ।