विश्वकप बिजेता अर्जेन्टिना आज अस्ट्रेलियासँग भिड्दै

काठमाडौँ- चीनको बेइजिङस्थित वर्कर्स स्टेडियममा विश्वकप च्याम्पियन अर्जेन्टिनाले आज अस्ट्रेलियासँग भिड्दै छ । दुई राष्ट्रबीचको मैत्रीपूर्ण खेल नेपाली समय अनुसार बिहीबार साँझ ५: ४५ बजेबाट सुरु हुँदैछ । 

फिफा विश्वकपको अन्तिम १६ को खेलपछि दुई राष्ट्रबीच यो पहिलोपटक खेल हुँदै छ । अन्तिम १६ मा भएको खेलमा अर्जेन्टिनाले अस्ट्रेलियालाई २-१ गोलले पराजित गरेको थियो । अर्जेन्टिनाले पछि गएर विश्वकप नै जितेको थियो । 

---

अर्जेन्टिनाका कप्तान लियोनल मेस्सी अमेरिकी क्लब मियामीमा आवद्ध भएपछि पहिलो पटक खेल्दैछन् । 

अर्जेन्टिनाले आफ्नो पछिल्लो ४५ अन्तर्राष्ट्रिय खेलहरूमध्ये एउटा खेल मात्र हारेको छ । २०२२ मा भएको विश्वकपको पहिलो खेलमा साउदी अरेबियासँग २-१ गोलले हारेको थियो।