अर्जेन्टिनाको जितमा मेस्सीले गरे करियरकै सर्वाधिक छिटो गोल

काठमाडौँ- अन्तर्राष्ट्रिय मैत्रीपूर्ण फुटबल खेलमा अर्जेन्टिनाले अस्ट्रेलियालाई पराजित गर्दा अर्जेन्टिनी कप्तान लियोनल मेस्सीले करियरकै सर्वाधिक छिटो गोल गरेका छन् ।

बिहीबार चीनमा भएको खेलमा अर्जेन्टिनाले अस्ट्रेलियालाई २-० ले पराजित गर्दा मेस्सीले एक गोल गरेका थिए ।

---

३५ वर्षीय मेस्सीले खेलको दोस्रो मिनेटमै गोल गर्दै अर्जेन्टिनालाई सुरुवाती अग्रता दिलाएका थिए । जर्मन पेजेलाले ६८ औँ मिनेटमा अर्जेन्टिनाका लागि अर्को गोल गरे ।

मेस्सीले यससँगै सुरुवाती ६० सेकेन्डबाहेक प्रत्येक मिनेटमा गोल गरेका छन् । उनले अस्ट्रेलियाविरुद्ध ७९ सेकेन्डमा गोल गरे । 

यसअघि कतारमा भएको विश्वकपका अर्जेन्टिनाले अस्ट्रेलियालाई २-१ गोलअन्तरले पराजित गरेको थियो ।