लिभरपुलका फरवार्ड रोबर्टो फर्मिनो पनि साउदी क्लबमा

काठमाडौँ- इंग्लिस क्लब लिभरपुलका फरवार्ड रोबर्टो फर्मिनो साउदी अरेबियन क्लब अल-अहलीमा अनुबन्ध भएका छन् ।

गत सिजनको अन्त्यसँगै फर्मिनो र लिभरपुलबीचको सम्झौता अन्त्य भएको थियो ।

---

३१ वर्षीय ब्राजिलियन फरवार्ड फर्मिनो ३ वर्षका लागि अल-अहलीमा आवद्ध भएका बीबीसीले जनाएको छ ।

सन् २०१५ मा लिभरपुलमा आवद्ध भएका फर्मिनोले ३ सय ६२ खेल खेल्दै १ सय ११ गोल गरेका थिए ।  

सेनेगल तथा चेल्सीका गोलरक्षक इडोआर्ड मेन्डी पनि गत हप्ता अल-अहलीमा आवद्ध भएका थिए ।