साउदी अरबियन क्लबबाट पोग्बालाई ठूलो रकमको प्रस्ताव

काठमाडौँ- साउदी अरबियन फुटबल क्लबले पल पोग्बालाई ठूलो रकमको प्रस्ताव गरेको छ । अल-अहलीले फ्रेन्च मिडफिल्डर पोग्बालाई १०० मिलियन युरो र बोनससहित तीन सिजनका लागि प्रस्ताव गरेको इटालियन पत्रिका ला गजेटा डेलो स्पोर्टले जनाएको छ ।

३० वर्षीय मिडफिल्डर गत सिजन इंग्लिस क्लब म्यानचेस्टर युनाइटेडबाट इटालियन क्लब युभेन्टस फर्किएका थिए । युनाइटेडमा पोग्बाले ६ वर्ष बिताएका थिए ।

---

पोग्बाले युभेन्टससँग प्रति सिजन ८ मिलियन यूरो नेट र दुई मिलियन यूरो बोनससहित चार वर्षको सम्झौता गरेपछि उनी क्लबका सर्वाधिक महंगा खेलाडी बनेका थिए ।

तर, चोटका कारण पोग्बाले गत सिजन १६१ मिनेट मात्र खेले ।

फ्रान्स राष्ट्रिय टोलीका करिम बेन्जेमा र एन गोलो कान्टे साउदी क्लब अल-इतिहादमा आबद्ध भईसकेका छन् ।