म्यानचेस्टर युनाइटेडले खोस्यो ह्यारी मागुएरको कप्तानी पद

काठमाडौँ- इंग्लिस क्लब म्यानचेस्टर युनाइटेडले ह्यारी मागुएरको कप्तानी पद खोसेको छ ।

ह्यारीले क्लबका मुख्य प्रशिक्षण एरिक टेन हागले आफ्नो कप्तानी पद खोसेको जनाएका बीबीसीले उल्लेख गरेको छ ।

---

टेन हाग आउनु अघि युनाइटेडका प्रशिक्षक रहेका ओले गनर सोल्सारले सन् २०२० को जनवरीमा ह्यारीलाई कप्तान बनाएका थिए ।

इंग्ल्यान्डका ३० वर्षीय सेन्टर-ब्याक ह्यारीले सो निर्णयबाट आफू दुखी भएपनि टिमका लागि उत्कृष्ट प्रदर्शन गर्ने बताए ।

युनाइटेडको अमेरिका भ्रमणअघि बिहीबार टेन हागले नयाँ कप्तान घोषणा गर्ने अपेक्षा गरिएको छ ।

ह्यारीले सन् २०२२-२३ को सिजनमा युनाइटेडका लागि समग्रमा ३१ खेल खेलेका थिए । उनको अनुपस्थितिमा पोर्चुगलका मिडफिल्डर ब्रुनो फर्नान्डेजले कप्तानीको भूमिका निर्वाह गर्ने गरेका थिए ।