रोनाल्डोकाे अल नासर सेल्टासँग ५–० ले पराजित

काठमाडौं– पोर्चुगिच स्टार स्ट्राइकर क्रिस्टियानो रोनाल्डोको क्लब अल नासर गए रातिको खेलमा ५–० ले पराजित भएको छ । साउदी क्लब नासरले प्रि सिजनको मैत्रीपूर्ण खेलमा सोमबार स्पेनिस क्लब सेल्टा भिगोसँग फराकिलो हार व्यहोरेको हो ।

फराकिलो हार व्यहोरेको अल नासरले सबै गोल दोस्रो हाफमा व्यहोर्नुपर्यो । सेल्टा भिगोलाई महत्वपूर्ण जित दिलाउन तीन खेलाडीले गाले गरे । सेल्टाका लागि गेल जन्सनले सुरुवाती अग्रता दिलाए। त्यसपछि मिगेल रोड्रिग्वेज र जोर्गेन लार्सनले २–२ गोल थप्दै स्पेनिस टोलीले रोनाल्डोलको अल नासरलाई स्तब्ध बनायो ।

---

क्रिस्टियानोले पहिलो हाफमै गाले गर्ने अवसर चुकाएका थिए । उनी दोस्रो हाफमा मैदानमा छिरेनन् । खेलमा क्रोएसियाका मिडफिल्डर मार्सेलो ब्रोजोभिचले पनि डेब्यु गरेका थिए । अल नासरले अब मैत्रीपूर्ण खेलमा युरोपेली च्याम्पियन्स लिग क्लबहरु बेन्फिका, पेरिस सेन्ट जर्मेन र इन्टर मिलानको सामना गर्नेछ ।