रासफोर्डले २०२८ सम्म म्यानचेस्टर युनाइटेडबाटै खेल्ने

काठमाडौँ- इंग्ल्यान्डका फरवार्ड मार्कस रासफोर्डले इंग्लिस क्लब म्यानचेस्टर युनाइटेडसँग नयाँ सम्झौता गरेका छन् ।

बीबीसीले जनाएअनुसार रासफोर्ड सन् २०२८ सम्म युनाइटेडबाटै खेल्ने भएका छन् ।

---

यससँगै मार्सकले प्रत्येक हप्ता ३ लाख २५ हजार पाउन्ड पाउने छन् ।

युनाइटेड र रासफोर्डबीचको सम्झौता २०२४ मै अन्त्य हुने भएपनि दुई पक्षबीच सन् २०२८ सम्मका लागि सम्झौता भएको हो ।

सन् २०१६ मा युनाइटेडका लागि डेब्यु गरेका रासफोर्डले ३ सय ५९ खेल खेल्दै १ सय २३ गोल गरेका छन् ।