ब्ल्याक फंगस संक्रमणबाट वीरगंजमा ३ को मृत्यु

जनकपुरधाम : ब्ल्याक फंगसबाट वीरगंजमा क्षेत्रका तीन जनाको मृत्यु भएको छ । उपचारको क्रममा ब्ल्याक फंगस म्युकरमाइकोसिस नामक संक्रमणबाट वीरगंज र काठमाडौँसहितका अस्पतालमा तीद्द जनाको मृत्यु भएको हो ।

नारायणी उपक्षेत्रीय अस्पतालका कोभिड-१९ उपचार इन्चार्ज चिकित्सक डा. नीरज सिंहका अनुसार ब्ल्याक फंगसबाट वीरगंज महानगरपालिका-२७ अलौंकी ६५ वर्षीया महिला, बारा जिल्ला घर भई विरगञ्‍ज बस्दै आएका ५५ वर्षीय पुरुष र वीरगंज-१३ का ६७ वर्षीय पुरुषको मृत्यु भएको हो । 

---

वीरगंजमा ८ जनामा ब्ल्याक फंगस संक्रमण भेटिएको हो । त्यस मध्ये तीन जनाको मृत्यु भएको छ भने बाँकी ५ जनालाई थप उपचारका लागि भारत पठाइएको चिकित्सक सिंहले बताए ।

उनले भने, 'नेपालमा यसको उपचार नेपालमा सम्भव नभएकोले त्यही भएर भारत पठाइएको हो । उनीहरूको उपचार पटना र लखनउमा भइरहेको छ ।’ डा. सिंहले वीरगंजकै एडभान्स अस्पतालमा उपचाररत   वीरगंज महानगरपालिका-२७ अलौंकी महिलामा पहिलो पटक ब्ल्याक फंगसको संक्रमण भेटिएको र उनको उपचारका क्रममा मृत्यु भएको बताए । 

त्यसपछि दोस्रो फंगसको थप उपचारका लागि काठमाडौंको मेदान्त अस्पताल पठाइएका बारा घर भई वीरगंज बस्दै आएका ५५ वर्षीय पुरुषको जेठ तीन गते मृत्यु भयो । मल्टी सिटी अस्पतालमा उपचारको क्रममा वीरगंज-१३ का ६७ वर्षीय पुरुषको वैशाख ३० गते मृत्यु भएको थियो ।

कोभिड-१९ संक्रमित व्यक्तिमा लक्षण देखिएको १२ देखि २० दिनको अवधिमा ब्ल्याक फंगसको संक्रमण देखापर्ने गरेकोमा आठै जना कोभिडबाट निको भइसकेकाहरूमा पाइएको उनले बताए ।