नेपालमा थप २,८३८ जनामा कोभिड संक्रमित

काठमाडौँ - नेपालमा बुधबार थप २ हजार ८ सय ३८ जनामा कोभिड संक्रमण पुष्टि भएको छ । देशभर गरिएको ८ हजार ७ सय १५ पीसीआर परीक्षणमा एक हजार नौ सय १८ र तीन हजार नौ सय एक एन्टीजेन परीक्षणबाट ९२० जनामा कोभिड पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोभिड संक्रमितको संख्या ७ लाख २४ हजार ४५५ पुगेको छ । त्यस्तै कोभिडका कारण थप ३० जनाको मृत्यु भएको छ । हालसम्म नेपालमा कोभिडका कारण ९ हजार ६ सय ३७ जनाले ज्यान गुमाएका छन् । त्यस्तै थप १ हजार ४ सय ७५ संक्रमित निको हुँदा हालसम्म नेपालमा ६ लाख ३६ हजार ४०२ संक्रमित निको भएका छन् ।

---

हाल नेपालमा २६ हजार ८३२ सक्रिय संक्रमित आइसोलेसन र ३०१ जना क्वारेन्टाइनमा छन् । हालसम्म नेपालमा ३४ लाख ९५ हजार ६९ पिसिआर र २ लाख ७४ हजार ८६२ वटाा एन्टीजेन परीक्षण गरिएको मन्त्रालयले जनाएको छ ।