सोमबार उपत्यकामा थपिए ९५९ कोभिड संक्रमित

काठमाडौँ- सोमबार  काठमाडौँ उपत्यकामा ९५९ संक्रमित थपिएका छन् । काठमाडौँमा ६२४, भक्तपुरमा १७० र ललितपुरमा १६५ जना संक्रमित थपिएको स्वास्थ्य तथा जनसंख्या मन्त्रालयले जनाएको छ । कुल संक्रमित २ लाख ९० हजार ५२८ जना छन् ।

काठमाडौँमा सक्रिय संक्रमित ७५७५ जना छन् । संक्रमणमुक्त २ लाख १३ हजार १३६ भएका छन् । १९८६ को मृत्यु भइसकेको छ । कुल संक्रमित २ लाख २२ हजार ६९७ जना छन् । भक्तपुरमा सक्रिय संक्रमित १३६५ छन् । संक्रमणमुक्त २३ हजार ५८३, मृत्यु ३९७ र कुल संक्रमित २५ हजार ३४५ जना छन् ।

---

त्यसैगरी ललितपुरमा सक्रिय संक्रमित १७५५ जना छन् । संक्रमणमुक्त ४० हजार १२२ जना छन् । ६०९ को मृत्यु र कुल संक्रमित ४२ हजार ४८६ जना छन् । आज  देशभर तीन हजार ६५१ संक्रमित थपिएका छन् । मन्त्रालयकाअनुसार १६ हजार ५९४ को परीक्षण गरिएको थियो ।

२४ घण्टामा देशभरबाट १७८४ जना संक्रमणमुक्त भएका छन् । हालसम्म देशभर ६ लाख ७१ हजार ८३ जना संक्रमणमुक्त भएका हुन् । त्यसैगरी २२ जनाको मृत्यु भएको छ । हालसम्म १० हजार ११५ जनाको मृत्यु भइसकेको छ ।