संक्रमणमुक्त हुने बढे : बिहीबार १८४५ जना निको भए थपिए १२७१ संक्रमित

काठमाडौँ- पछिल्लो तीन दिन यता देशभर कोभिड-१९ संक्रमितको संख्या घटदै गएको छ । बिहीबार १८४५ जना कोभिड-१९ संक्रमणमुक्त भएका छन । हालसम्म देशभर ७ लाख ३५ हजार ६ जना कोभिड संक्रमणबाट मुक्त भइसकेका छन् ।

२४ घण्टामा १२७१ जनामा कोभिड संक्रमण देखिएको छ । स्वास्थ्य तथा जनसंख्या मन्त्रालयका अनुसार ११ हजार ९४४ जनाको कोभिड परीक्षण गरिएको थियो ।

---

त्यसैगरी १४ जनाको मृत्यु भएको  छ । हालसम्म १० हजार ९०३ जनाको कोभिड संक्रमणका कारण मृत्यु भइसकेको  छ । देशभर सक्रिय संक्रमित २८ हजार ६७८ जना छन् ।

आईसीयूमा ४५८, भेन्टीलेटरमा १३९, होम आइसोलेसनमा २६ हजार ८८६, संस्थागत आईसोलेशनमा १७९२ र क्‍वारेन्टीनमा २६१ जना छन् ।